(गणपतीपुळे / वैभव पवार)
रत्नागिरी तालुक्यातील मालगुंड जोशीवाडी येथील राजे ग्रुप यांच्या वतीने भव्य नाईट अंडरआर्म क्रिकेट स्पर्धेचे आयोजन करण्यात आले होते.या स्पर्धेचे तिसरे वर्ष होते. या स्पर्धेमध्ये मालगुंड पंचक्रोशीतील तसेच आमंञित संघांनी सहभाग घेतला होता.यावेळी स्पर्धेच्या अंतिम सामन्यात ऑल भगवतीनगर व गोल्डन जोशीवाडी मालगुंड संघाने प्रवेश केला.यामध्ये ऑल भगवतीनगर संघ आपल्या सांघिक खेळाच्या जोरावर प्रथम विजेता ठरला तर मालगुंड येथील गोल्डन जोशीवाडी संघ द्वितीय विजेता ठरला.तसेच गोपाळकृष्ण मालगुंड संघाला तृतीय व चतुर्थ क्रमांकावर समाधान मानावे लागले.
या स्पर्धेसाठी मालगुंड परिसरातील व्यावसायिक संदिप साळवी, प्रकाश जाधव, साईनाथ जाधव, मंगेश जाधव, सुनिल लोगडे आणि इतर दानशूर व्यक्ती यांनी विशेष मोलाचे सहकार्य केले.
ही स्पर्धा पार पाडण्यासाठी राजे ग्रुपचे अध्यक्ष बावा आग्रे, उपाध्यक्ष संजय दुर्गवळी,कार्याध्यक्ष निलेश भातडे आणि सर्व सदस्य यांनी विशेष मेहनत घेतली. या स्पर्धेचे बक्षीस वितरण गणपतीपुळे पोलीस दूरक्षेत्राचे पोलीस उपनिरीक्षक संदीप साळवी, पोलीस नाईक जयेश कीर,शिवसेना ( उध्दव बाळासाहेब ठाकरे) युवासेनेचे तालुका समन्वयक साईनाथ जाधव, राजे ग्रुपचे अध्यक्ष बावा आग्रे, उपाध्यक्ष संजय दुर्गवळी, कार्याध्यक्ष निलेश भातडे, सामाजिक कार्यकर्ते सचिन दुर्गवळी आणि अन्य निमंत्रित मान्यवरांच्या प्रमुख उपस्थितीत पार पडले.
राजे ग्रुप जोशिवाडी आयोजित क्रिकेट स्पर्धेनिमित्त बक्षीस वितरण सोहळ्याला उपस्थित राहिलो खूप चांगल्या पद्धतीने स्पर्धेचे आयोजन व नियोजन करण्यात आले होते खूप चांगल्या पद्धतीने स्पर्धा गेली 3 वर्षे घेत आहेत स्थानिक पातळीवर स्पर्धा आयोजित करून पंचक्रोशी मधील नव नवीन खेळाडू घडवण्याचे काम राजे ग्रुप मार्फत होत आहे त्यांच्या ह्या उपक्रमाला माझ्या खूप शुभेच्छा
– साईनाथ प्रकाश जाधव
युवासेना तालुका समन्वयक
