मयेकर महाविद्यालयात जी. एस. पदी अमित घाणेकर

(जाकादेवी/ वार्ताहर)

रत्नागिरी तालुक्यातील मोहिनी मुरारी मयेकर कला व वाणिज्य महाविद्यालय चाफेच्या अविष्कार कलागुणांचा या होणाऱ्या महत्त्वपूर्ण सांस्कृतिक कार्यक्रमाच्या पार्श्वभूमीवर महाविद्यालयाच्या विद्यार्थी प्रतिनिधीची निवड करण्यात आली. यात विद्यार्थी प्रतीनिधी अमित शंकर घाणेकर (T. Y. B. Com) विजयी झाला.

सदर मतदान प्रक्रियेत तृतीय वर्ष वाणिज्य शाखेचा कु. अमित शंकर घाणेकर याने बहुमताने विजय संपादन केला. प्रामाणिक आणि कष्टाळू, मनमिळाऊ स्वभावाच्या अमितला सर्वांनी बहुमतांनी पाठिंबा दिला.
जनरल सेक्रेटरी म्हणून निवडून आलेल्या अमितचे शिक्षण संस्थेचे सचिव रोहित मयेकर, खजिनदार ऋषिकेश मयेकर, संस्थेचे संचालक सुरेंद्र माचिवले, महाविद्यालयाच्या प्र. प्राचार्या स्नेहा पालये, प्राचार्य गणेश कुळकर्णी, प्राध्यापक वर्ग तसेच कर्मचारी यांनी अभिनंदन करून आणि पुढील वाटचालीसाठी सदिच्छा व्यक्त केल्या.