(वैभव पवार / गणपतीपुळे)
रत्नागिरी तालुक्यातील श्री क्षेत्र गणपतीपुळे येथील राजेश गणेश बापट यांच्या निवासस्थानी सुमारे 24 वर्षांपूर्वी अक्कलकोट स्वामी समर्थांच्या पादुकांचे आगमन झाले होते. तसेच त्यांच्या पादुका राजेश बापट यांच्या राहत्या घरी पूजनासाठी स्थानापन्न करण्यात आल्या होत्या. त्या पादुकांचा शुक्रवारी 8 डिसेंबर 2023 रोजी पादुकापूजन वर्धापन दिन होणार आहे.
गणपतीपुळे येथील राजेश गणेश बापट यांच्या निवासस्थानी उद्या शुक्रवारी 8 रोजी सकाळी आठ ते दुपारी बारा या वेळेत श्री स्वामी समर्थ पादुकांवर अभिषेक तसेच विधिवत पूजा आयोजित करण्यात आली असून दुपारी बारा ते तीन या वेळात महाप्रसादाचे आयोजन करण्यात आले आहे. यावेळी गणपतीपुळे परिसरातील स्वामी भक्तांनी या महाप्रसादाचा व स्वामी सेवेचा लाभ घ्यावा असे स्वामीभक्त सौ. रीमा राजेश बापट व राजेश गणेश बापट यांनी केले आहे .
हा पादुकापूजन वर्धापन दिन कार्यक्रम वेळेत चालू होऊन वेळेत संपणार असल्याने सर्व स्वामी भक्त व ग्रामस्थांनी वेळेत हजर राहण्याचे आवाहन करण्यात आले आहे.
