(बंगळुरू)
भारताने रोमहर्षक टी-20 सामन्यात ऑस्ट्रेलियाचा 6 धावांनी पराभव केला. टीम इंडिया आणि ऑस्ट्रेलिया (IND vs AUS) यांच्यात टी-20 मालिकेतील पाचवा आणि शेवटचा सामना खेळला गेला. दोन्ही संघांमधील हा सामना बेंगळुरूच्या एम चिन्नास्वामी स्टेडियमवर खेळला गेला. या रोमांचक सामन्यात टीम इंडियाने ऑस्ट्रेलियाचा 6 धावांनी पराभव केला. टीम इंडियाने मालिका 4-1 ने जिंकली. तत्पूर्वी, ऑस्ट्रेलियन कर्णधार मॅथ्यू वेडने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर प्रथम फलंदाजीला आलेल्या टीम इंडियाने 20 षटकांत 8 गडी गमावून 160 धावा केल्या. टीम इंडियाकडून स्टार फलंदाज श्रेयस अय्यरने सर्वाधिक 53 धावा केल्या. ऑस्ट्रेलियाकडून बेन द्वारशुइस आणि जेसन बेहरेनडॉर्फ यांनी प्रत्येकी सर्वाधिक दोन विकेट घेतल्या. लक्ष्याचा पाठलाग करताना ऑस्ट्रेलियन संघ 20 षटकांत 8 गडी गमावून 154 धावाच करू शकला. ऑस्ट्रेलियाकडून स्टार फलंदाज बेन मॅकडरमॉटने सर्वाधिक 54 धावा केल्या. टीम इंडियाकडून मुकेश कुमारने सर्वाधिक तीन विकेट घेतल्या.
टीम इंडियाच्या अर्शदीप सिंगने बेंगळुरूमध्ये शेवटच्या 6 चेंडूत 10 धावा केल्या. पहिल्या 3 चेंडूंवर त्याने एकही धाव दिली नाही आणि कर्णधार मॅथ्यू वेडची विकेटही घेतली. अखेरच्या षटकात संघाला केवळ 3 धावा करता आल्या. भारताकडून मुकेश कुमारने 3 बळी घेतले. तर अर्शदीप सिंग आणि रवी बिश्नोईने 2-2 विकेट घेतल्या. श्रेयस अय्यरने 53 धावा केल्या. 5व्या ळ20 मधील विजयासह टीम इंडियाने 4-1 च्या फरकाने मालिका जिंकली.
भारतीय संघ हेड टू हेड रेकॉर्डमध्ये ऑस्ट्रेलियाच्या पुढे आहे. दोघांमध्ये आतापर्यंत 30 टी-20 आंतरराष्ट्रीय सामने खेळले गेले आहेत. यापैकी भारतीय संघाने 18 सामने जिंकले आहेत, तर 11 सामन्यांचे निकाल कांगारूंच्या बाजूने लागले आहेत. एका सामन्याचा निकाल लागला नाही. मैदानावर हेड टू हेडमध्ये ऑस्ट्रेलियन संघ भारतावर वर्चस्व गाजवत आहे. संघाने आपले दोन्ही ळ-20 येथे जिंकले आहेत. तर भारतीय संघाने या मैदानावर 6 पैकी 3 टी-20 सामने गमावले आहेत. भारतातील हे एकमेव होम ग्राऊंड आहे, जिथे भारतीय संघाने 3 टी-20 सामने गमावले आहेत आणि 2 जिंकले आहेत.
