(संगमेश्वर)
गुरुवारी आरवली जवळील घाटात मच्छी व्हॅनचे स्टेअरिंग फेल झाल्यामुळे मोरीतून खाली जाऊन अपघात झाला. गाडी जवळपास वीस फूट खाली मोरी बांधण्यासाठी काढलेल्या खड्ड्यामध्ये पडली. या अपघातात ड्रायव्हर, क्लीनरला थोडा मुका मार लागला आहे. अलिबागहून गोव्याला मच्छी घेऊन गेलेली व्हॅन गाडी डिलिव्हरी करून गोव्याहून अलिबागला परत जात होती. सदर अपघात हा काल सायंकाळी सहा वाजता झाला. अपघाताची तीव्रता पाहता ड्रायव्हर व क्लीनर या अपघातातून चांगलेच बचावले आहेत.
