(चिपळूण)
मुंबई-गोवा महामार्गावर नागोठणे (जि. रायगड) येथे भरधाव वेगाने आलेल्या ट्रेलरने समोरून येणाऱ्या दुचाकीला जोरदार धडक दिली. यात दुचाकीस्वार संदेश सदानंद घाणेकर (३२, रा. सावर्डे, ता. चिपळूण, जि. रत्नागिरी) या तरूणाचा जागीच मृत्यू झाला आहे. नागोठणे येथील कानसई गावच्या हद्दीत हॉटेल नवरत्न जवळ हा भीषण अपघात झाला.
मुंबई – गोवा महामार्गावर सातत्याने अपघात होत आहेत. रायगड जिल्ह्यात नागोठणे येथे झालेल्या भीषण अपघातात या तरूणाचा मृत्यू झाला आहे. संदेश हा गणेशोत्सव साजरा करून आपल्या दुचाकीने मुंबईकडे जात होता. नागोठणे येथे भरधाव वेगाने आलेल्या ट्रेलर चालकाने दारूच्या नशेत त्याच्या दुचाकीला जोरदार धडक दिली. ही धडक इतकी भीषण होती की या अपघातात तरुणाचा जागीच मृत्यू झाला. संदेश हा नोकरीनिमित्त मुंबई वडाळा गणेश नगर येथे राहत होता. याप्रकरणी ट्रेलर चालक ओमप्रकाश रामलाल पटेल (३६, रा. मध्यप्रदेशातील ) याच्याविरोधात गुन्हा दाखल करण्यात आला असून त्याला अटक करण्यात आली आहे. या अपघाताचे वृत्त कळताच लागोठणे पोलीस ठाण्याचे सहाय्यक पोलीस निरीक्षक श्री. पोमण व पोलीस कर्मचाऱ्यांनी तात्काळ घटनास्थळी धाव घेतली
