EPFO सदस्यांना पीएफचे पैसे काढताना येणाऱ्या अडचणी आणि वारंवार दावा नाकारण्याच्या समस्येपासून आता दिलासा मिळाला आहे. अर्थ मंत्रालयाने म्हटले आहे की, EPFO सदस्यांचे दावे एकापेक्षा जास्त वेळा नाकारले जाऊ नयेत आणि दावे निर्धारित वेळेत निकाली काढण्यात यावे. वित्त मंत्रालयाने EPFO शी संबंधित सर्व जबाबदार अधिकाऱ्यांना कोणताही दावा फेटाळला जाणार नाही याची काळजी घेण्यास सांगितले आहे.
EPF खात्यामधून पैसे काढताना पैसे देण्यास दिरंगाई होत असल्याची अनेक प्रकरणे समोर येत आहेत. अनेक प्रकरणांमध्ये असे आढळून आले आहे की दावे विशिष्ट कारणास्तव नाकारण्यात आले आणि जेव्हा ते दुरुस्त केल्यानंतर पुन्हा सबमिट केले गेले, तेव्हा ते पुन्हा इतर कारणांमुळे पुन्हा नाकारले गेले.
ईपीएफ खात्यात जमा केलेली रक्कम अंशतः किंवा पूर्णपणे काढता येते. कर्मचारी निवृत्त झाल्यावर किंवा सतत 2 महिन्यांहून अधिक काळ बेरोजगार राहिल्यास पीएफ निधी काढता येतो. त्याच वेळी, वैद्यकीय आणीबाणी, विवाह, गृहकर्ज भरणे इत्यादी परिस्थितीत रक्कमेचा काही भाग काढता येतो.
पीएफ काढण्याची ऑनलाइन पद्धत जाणून घ्या
- सर्व प्रथम, EPFO सदस्य त्यांच्या UAN आणि पासवर्डसह UAN सदस्य पोर्टलवर लॉग इन करतात.
- आता वरच्या मेनू बारमधून Online Services टॅबवर क्लिक करा आणि ड्रॉप डाउन मेनूमधून Claim (Form-31, 19 & 10C) निवडा.
- यानंतर तुमची माहिती स्क्रीनवर दिसेल. तुमच्या बँक खात्याचे शेवटचे 4 अंक टाका आणि Verify वर क्लिक करा.
- आता हमीपत्रावर स्वाक्षरी करण्यासाठी होय वर क्लिक करा आणि पुढे जा.
- आता Proceed for Online Claim पर्याय निवडा.
- तुमचा पीएफ निधी ऑनलाइन काढण्यासाठी पीएफ अॅडव्हान्स (Form- 31) निवडा.
- यानंतर, फॉर्मचा एक नवीन विभाग उघडेल, ज्यामध्ये तुम्हाला ज्या उद्देशासाठी आगाऊ रक्कम काढायची आहे, ते नमूद करावे लागेल.
- आता सत्यापनावर टिक करा आणि तुमचा अर्ज सबमिट करा.
- तुम्ही ज्या उद्देशासाठी फॉर्म भरला आहे त्यानुसार, तुम्हाला स्कॅन केलेले दस्तऐवज सबमिट करावे लागतील.
- तुमच्या कंपनीला तुमची पैसे काढण्याची विनंती स्वीकारावी लागेल, त्यानंतर तुमच्या EPF खात्यातून पैसे काढले जातील आणि पैसे काढण्याचा फॉर्म भरताना तुम्ही नमूद केलेल्या बँक खात्यामध्ये रक्कम जमा केले जातील.
- ईपीएफओमध्ये नोंदणीकृत तुमच्या मोबाइल नंबरवर एसएमएस पाठवला जाईल. क्लेम प्रोसेस झाल्यानंतर, रक्कम तुमच्या बँक खात्यात साधारणपणे १५-२० दिवसात हस्तांतरित केली जाईल.
