(रत्नागिरी)
तालुक्यातील जयगड येथील जेएसडब्ल्यू कंपनीच्या पार्किंगमध्ये असलेल्या गाडीतील चालकाचा आकस्मिक मृत्यू झाला. या प्रकरणी जयगड पोलिस ठाण्यात नोंद करण्यात आली आहे.
सदर घटना शनिवार १६ सप्टेंबर रोजी रात्री १० ते रविवार १७ सप्टेंबर रोजी स. ११ वा. कालावधीत घडली आहे. मोहम्मद मजीद खान असे मृत्यू झालेल्या चालकाचे नाव आहे. शनिवारी रात्री जेवण आटोपल्यानंतर मोहम्मद खान हा जेएसडब्ल्यू कंपनीच्या पार्किंगमध्ये असलेल्या आपल्या ताब्यातील गाडी (एनएल ०१ – के ६९६८) मध्ये झोपण्यासाठी गेला होता. रविवारी आठ वाजता यातील खबर देणार हे मोहम्मदला उठवण्यासाठी गेले असता त्याने कोणतीही हालचाल केली नाही. त्यामुळे तातडीने त्याला उपस्थित असणाऱ्या ट्रकचालकांच्या मदतीने वाटद खंडाळा प्राथमिक आरोग्य केंद्रात दाखल करण्यात आले. मात्र तेथील वैद्यकीय अधिकाऱ्यांनी मोहम्मदला तपासून मृत घोषित केले.
