शाळेतून आल्यावर मुलीकडं रोज पैसे येऊ लागल्यानं पित्याला आला संशय, ‘त्या’ कारनाम्यानं सर्वच हादरले

(मुंबई)

वसईमधून एक घृणास्पद प्रकार समोर आला आहे.  येथील एका शाळेमध्ये चौथीत शिकणाऱ्या मुलीकडं खाऊ खाण्यासाठी रोज पैसे जास्त येत असल्यानं पालकांना शंका आली. मुलीकडं दररोज पैसे कुठून येतात, याची खात्री करण्यासाठी मुलीचे पालक शाळेत गेले. तेव्हा राजाराम मौर्य हा तिला खाऊचे आमिष दाखवून लैगिंक चाळे करीत असल्याचे उघडकीस आले. पीडित मुलीच्या नातेवाईकांनी याबाबतची माहिती पोलिसांना दिली.

५३ वर्षाचा नराधम राजाराम मौर्य हा ९ वर्षाच्या मुलीला पैशांचे आमिष दाखवून तिच्याशी लगट करून लैंगिक चाळे करीत होता. तो अनेक दिवसांपासून तिला पैसे देत होता. आपल्या मुलीकडे रोज पैसे कुठून येतात, तिला कोण पैसे देतो, का देतो याची चौकशी करण्यासाठी तिचे पालक शाळेत आले होते. ही धक्कादायक माहिती समोर आल्यानं संतप्त झालेल्या नागरिकांनी यथेच्छ चोप दिला.

या घटनेमुळं संतप्त नागरिकांनी शाळेत मोठा संतप्त जमाव जमा झाला होता. त्यांनी आरोपीला यथेच्छ चोप दिलाय. मात्र  पोलिसांनी तत्काळ दाखल होवून प्रसंगावधान राखून आरोपीला मारहाण करणाऱ्या लोकांच्या तावडीतून सोडवून ताब्यात घेवून अटक केली आहे.

आरोपीला कडक शासन करण्याची मागणी स्थानिक पालकांनी केली आहे. या घटनेची माहिती मिळताच वसईच्या पोलीस उपायुक्त पौर्णिमा चौगुले श्रींगी, सहाय्यक पोलीस आयुक्त बजरंग देसाई, वालीव पोलीस ठाण्याचे वरिष्ठ पोलीस निरीक्षक जयराज रणवरे यांनी घटनास्थळी दाखल होऊन जमावाला शांत केलं. यावेळी अफवांना बळी पडू नका. सर्वांनी शांतता राखावी, असं आवाहन वालीव पोलीस ठाण्याचे वरीष्ठ पोलीस निरीक्षक जयराज रणवरे यांनी केलंय.

तील एका शाळेमध्ये चौथीत शिकणाऱ्या मुलीकडं खाऊ खाण्यासाठी रोज पैसे जास्त येत असल्यानं पालकांना शंका आली. मुलीकडं दररोज पैसे कुठून येतात, याची खात्री करण्यासाठी मुलीचे पालक शाळेत गेले. तेव्हा राजाराम मौर्य हा तिला खाऊचे आमिष दाखवून लैगिंक चाळे करीत असल्याचे समजले. पीडित मुलीच्या नातेवाईकांनी हे वालीव पोलिसांना सांगितलंय.