(रत्नागिरी)
तालुक्यातील काळबादेवी समुद्रकिनारी अज्ञात मृतदेह सापडून आला असून, याबाबत ग्रामीण पोलिस ठाण्यात आकस्मिक मृत्यूची नोंद करण्यात आली आहे. ही घटना सोमवार, ११ सप्टेंबर रोजी सायंकाळी ७ वा. सुमारास उघडकीस आली. याबाबत तेथील सुरक्षा वॉर्डनने ग्रामीण पोलिस ठाण्यात खबर दिली.
दिलेल्या माहितीनुसार, सोमवारी सायंकाळी ते काळबादेवी समुद्रकिनारी गस्त घालत असताना त्यांना तेथील रामेश्वर मंदिराच्या मागील बाजूस एक अनोळखी पुरुषाचा (अंदाजे वय ४० ते ५० ) मृतदेह कुजलेल्या अवस्थेत दिसून आला. याबाबत ग्रामीण पोलिसांना माहिती मिळताच त्यांनी तातडीने घटनास्थळी धाव घेत मृतदेहाचा पंचनामा करून उत्तरीय तपासणीसाठी जिल्हा शासकीय रुग्णालयात पाठवला.
