(खेड / भरत निकम)
खेड तालुक्यातील मुंबके येथील जगबुडी खाडीच्या पात्रत ३५ ते ४० वयोगटातील अज्ञात इसमाचा मृतदेह पाण्यात तरंगताना मिळाला आहे. हि घटना शनिवारी, सकाळी १०:१५ च्या सुमारास लक्षात आली होती.
दिनेश सकपाळ या रुग्णवाहिका चालकाने फोन करुन मौजे मुंबके येथील खाडीच्या पाण्यात मृतदेह तरंगत असल्याचे सांगितले. त्यानंतर पोलिसांनी घटनास्थळी जाऊन तरंगणारा मृतदेह स्थानिक नागरिकांच्या मदतीने बाहेर काढून घेतला. अनोळखी इसम सुमारे ३५ ते ४० वयाचा असल्याने पंचनामा करत मृतदेह ताब्यात घेवून शवविच्छेदन करण्यासाठी पाठवून दिला होता.
आकस्मिक मृत्यू रजिस्टर नं. ६०/२०२३ सीआरपीसी १७४ नुसार नोंद केली आहे. अनोळखी इसमाची माहिती असणाऱ्या व्यक्तींनी पोलीस ठाण्याशी संपर्क साधावा, असे आवाहन खेड पोलिसांनी केले आहे
