(रत्नागिरी)
रत्नागिरी कोकण रेल्वेच्या निवसर स्टेशनकडे जाणाऱ्या सिग्नलजवळ अनोळखी प्रौढ (अंदाजे वय ४०) मृतावस्थेत आढळला. मृतदेह उत्तरीय तपासणीसाठी जिल्हा शासकीय रुग्णालयात दाखल करण्यात आला असून, शहर पोलिस ठाण्यात आकस्मिक मृत्यूची नोंद करण्यात आली आहे.
ही घटना काल पहाटे साडेतीन ते पावणेसातच्या सुमारास कोकण रेल्वेच्या निवसर स्टेशन दिशेकडे जाणाऱ्या सिग्नल जवळ निदर्शनास आली. पोलिसांकडून मिळालेल्या माहितीनुसार, या प्रौढाचे वय अंदाजे ४० असून, त्याने काळ्या रंगाचा टी-शर्ट व पॅन्ट घातली आहे. रेल्वे कर्मचाऱ्यांना सकाळी निवसर दिशेने जाणऱ्या ट्रकच्या बाजूला मृतावस्थेत आढळला. रेल्वे पोलिसांनी शहर पोलिस ठाण्यात खबर दिली. रेल्वेची धडक लागून त्याच्या डोक्याला गंभीर दुखापत झाल्याने त्याचा मृत्यू झाल्याचा प्राथमिक अंदाज व्यक्त करण्यात आला आहे
