(लांजा / वार्ताहर)
किरण उर्फ भैय्या सामंत मित्र मंडळ लांजाच्यावतीने भारतीय स्वातंत्र्य दिनानिमित्त मंगळवार दिनांक १५ ऑगस्ट रोजी तालुकास्तरीय सायकल स्पर्धेचे आयोजन करण्यात आले आहे.
सदर स्पर्धा न्यू इंग्लिश स्कूल लांजा ते कुवे फाटा अशी सकाळी साडे अकरा वाजता सुरु होणार असून मोठा व लहान गट अशा दोन गटात घेतली जाणार आहे. यामध्ये लहान गटात प्रथम पारितोषिक ३,०००/- रु., द्वितीय २,०००/- रु., तृतीय १,०००/- रु. तर मोठ्या गटात प्रथम पारितोषिक ५,०००/-रु., द्वितीय ४,०००/-रु., तृतीय ३,०००/-रु. असे बक्षीसे तसेच खुला गट विशेष स्पर्धा स्लो-सायकलिंग रोख पारितोषिके देऊन गौरविण्यात येणार आहे.
या स्पर्धेत प्रवेश विनाशुल्क असून स्पर्धकांनी सहभागी होण्यासाठी भैय्या सामंत मित्रमंडळ लांजाचे अध्यक्ष नंदराज (लल्ल्या) कुरुप ९५०३५२७२७८, उपाध्यक्ष योगेश लांजेकर ९९६०२२०००८ तसेच सदस्य आशिष रेऊकर ८४५९५००६६२, महेश लांजेकर यांच्याशी संपर्क साधावा. तसेच यास्पर्धेत जास्तीत जास्त स्पर्धकांनी सहभाग घेण्याचे आवाहन भैय्या सामंत मित्रमंडळ लांजाच्यावतीने करण्यात आले आहे.
