(तरवळ/अमित जाधव)
रत्नागिरी तालुक्यातील मालगुंड एज्युकेशन सोसायटीच्या बळीराम परकर विद्यालय व मुरारी तथा भाई मयेकर ज्युनिअर कॉलेजमधील विद्यार्थी कुमार इंद्रनील रमेश पाटील हा इयत्ता ८वी शिष्यवृत्ती परीक्षेत रत्नागिरी तालुक्यात गुणवत्ता यादीत आला आहे. इयत्ता ८वी शिष्यवृत्ती परीक्षेचा नुकताच निकाल जाहीर झाला ,या मध्ये रत्नागिरी जिल्ह्यातील गुणवत्ता यादीत तो ४१ वा तर रत्नागिरी तालुक्यातील गुणवत्ता यादीत तो ५ वा आलेला आहे .
कु इंद्रनील रमेश पाटील हा अतिशय गुणी व हुशार तसेच शांत स्वभावाचा आहे, इंद्रनील हा अभ्यासाबरोबर इतर स्पर्धा परीक्षांमध्येही सहभागी होत असतो, त्याच्या या यशाबद्दल प्रशालेच्यावतीने त्याला शुभेच्या देण्यात आल्या आहेत, तसेच त्याच्या या यशामध्ये त्याला मार्गदर्शन करणारे शिक्षक, त्याचे आई वडील यांचा मोलाचा वाटा आहे. त्याने मिळविलेल्या यशा बद्दल प्रशालेच्या वतीने पर्यवेक्षक श्री नितिन मोरे मुख्याध्यापक श्री बिपीन परकर यांनी त्याला शुभेच्छा दिल्या व अभिनंदन केले. इंद्रनील पाटील याने मिळविलेल्या भरीव यशाबद्दल मालगुंड एज्युकेशन सोसायटीचे अध्यक्ष श्री सुनिल ऊर्फ (बंधु) मयेकर, उपाध्यक्ष श्री विवेक परकर, सचिव श्री विनायक राऊत व सर्व संचालक मंडळाच्यावतीने त्याला शुभेच्छा देण्यात आल्या.
