राज्यात पुन्हा राजकीय भूकंप होण्याचे शंभूराज देसाईंचे सूचक विधान

(मुंबई)

शिंदे फडणवीस सरकारला एक वर्ष होताच तिसरा जोडीदार मिळाला आहे. मात्र ज्या अजित पवारांवर टीका करून एकनाथ शिंदे गट महाविकास आघाडीतून बाहेर पडले होते. त्याच अजित पवारांसाठी पायघड्या घालाव्या लागल्याने शिंदे गट अस्वस्थ झाला आहे. तर मंत्रीपदासाठी गुडघ्याला बाशिंग बांधून बसलेल्या शिंदे गटातील आमदारांमध्ये नाराजी पसरल्याची चर्चा सुरू आहेत. यातच आता शिवसेनेचे मंत्री शंभूराज देसाई यांनी उद्धव ठाकरे यांच्यासोबत पुन्हा जाण्याबद्दल एक सूचक विधान केले आहे.

त्यावर शिंदे म्हणाले की, हा जर-तरचा विषय आहे. ज्यावेळी हाक येईल तेव्हा नक्की साद दिली जाईल, असे म्हणत त्यांच्याकडून तशी साद आली तर सकारात्मक प्रतिसाद आम्ही देऊ, असे मोठे विधान केले आहे. शंभुराज देसाई यांच्या या वक्तव्यामुळे महाराष्ट्राच्या राजकारणात भूकंपाचा तिसरा धक्का बसण्याची शक्यता वर्तवली जात आहे.