(बिलासपुर)
‘व्हॉइस ऑफ इंडिया’ फेम गायक मोहम्मद जाकिर हुसैन यांचे हृदयविकाराच्या झटक्याने बुधवारी निधन झाले. त्यांची तब्येत अचानक बिघडल्याने त्यांना रुग्णालयात दाखल करण्यात आले. मात्र, रुग्णालयात पोहोचेपर्यंत त्यांची प्राणज्योत मालवली. त्यांच्या निधनाने संगीत विश्वावर शोककळा पसरली आहे. आज संध्याकाळी त्यांच्या पार्थिवावर अंत्यसंस्कार करण्यात आले.
मोहम्मद हे त्यांच्या कुटुंबासोबत छत्तीसगड मधील बिलासपुर येथे गेले होते. यावेळी त्यांची तब्येत अचानक बिघडली. त्यांना हृदय विकाराचा झटका आला आणि त्यातच त्यांचे निधन झाले. ही बातमी कळताच त्यांच्या धनवार येथील राहत्या घरी चाहत्यांनी गर्दी केली. त्यांचे पार्थिव बिलासपुरहून छत्तीसगढ येथील कोरबा येथे आणण्यात आले. त्यांच्या अंत्यदर्शनासाठी हजारो चाहते जमले होते. मोहम्मद हे बालपणापासून संगीत आणि कला क्षेत्रात होते. त्यांना गायनाची आवड होती. मात्र, त्यांना व्हॉइस ऑफ इंडिया या कार्यक्रमामुळे खरी ओळख मिळाली. या कार्यक्रमाच्या माध्यमातून ते घराघरात पोहोचले. आपल्या आवाजाने त्यांनी सर्वांची मने जिंकली.
