(चिपळूण)
तालुक्यातील कळंबस्ते येथे भरदिवसा एका अज्ञात दुचाकीस्वाराने तीन महिलांच्या पर्स चोरुन नेल्याची खळबळजनक घटना गुरुवारी सायंकाळी घडली. या घटनेमुळे महिलांमध्ये घबराट पसरली असून हा चोरटा सीसीटीव्ही फुटेजमध्ये कैद झाला आहे. या चोरट्याचा शोध पोलिसांनी सुरु केला आहे.
कळंबस्ते या भागात नागरिकांची कायम रहदारी सुरु असते. असे असताना गुरुवारी सायंकाळ सत्रात कळंबस्ते येथे भरधाव वेगाने हा दुचाकीस्वार आला व त्याने रस्त्याने जात असलेल्या तीन महिलांकडील पर्स हिसकावून थेट भरधाव वेगात दुचाकीवरून पळ काढला. यावेळी महिलांनी आरडाओरडा केला, पण तोवर हा चोरटा पसार झाला होता.
या घटनेची माहिती मिळाल्यानंतर घटनास्थळी पोलीस दाखल झाले. हा चोरटा सीसीटीव्ही फुटेजमध्ये कैद झाला असून त्याच्या शोधासाठी पोलीस परिसरातील सीसीटीव्ही फुटेज ताब्यात घेत आहेत.
