(चिपळूण)
खेर्डी शिवाजी नगर येथील वेदांत राजेंद्र खांबे या तेरा वर्षीय बालकाचा मृतदेह बुधवारी सायंकाळी सहा वाजण्याच्या सुमारास वाशिष्ठी नदीपात्रात शंकरवाडी जवळ आढळून आला.
विनायक रामचंद्र खांबे यांनी चिपळूण पोलीस ठाण्यात खबर दिल्यानुसार त्यांचा पुतण्या वेदांत राजेंद्र खांबे (१३, रा. खेर्डी शिवाजी नगर, चिपळूण) हा वाशिष्ठी नदीपात्रात पाय घसरुन पडल्याने वाहून गेला होता. त्याचा मृतदेह शंकरवाडी जवळ वाशिष्ठी नदी पात्रात आढळला. पोलिसांनी तात्काळ घटनास्थळी धाव घेऊन मृतदेह बाहेर काढून उत्तरीय तपासणीसाठी कामथे उपजिल्हा रुग्णालयात पाठविण्यात आले. या प्रकरणी पोलिसांनी आकस्मिक मृत्यू म्हणून नोंद केली आहे.
