(साखरपा /सुरेश सप्रे )
मेढे सारख्या ग्रामीण भागात राहून साईराज सुर्वे या विद्यार्थ्यांने ध्येय ठेवून मेहनतीने यश संपादन केले, हे कौतुकास्पद आहे. साईराजचा आर्दश घेत इतर विद्यार्थीवर्गाने ध्येय निश्चित करून असेच यश संपादन करून आपला व पंचक्रोशीचा नावलौकिक वाढवावा असे आवाहन केतकर पेढीचे मालक व उद्योजक धनंजय केतकर यांनी केले.
साखरपा पंचक्रोशीतील तिवरे मेढे गावातील सुपुत्र कु. साईंराज रोहिदास सुर्वे यांने सनदी लेखापाल( CA) ही पदवी संपन्न केल्याबद्दल त्यांचा साखरपा येथे सत्कार आयोजित करण्यात आला. या सत्कार सोहळ्याला माजी सरपंच साखरपा संदेश (बापुशेठ) शेट्टे मुंबईस्थित उद्योजक विष्णु रामाणे.धनंजय केतकर, जयवंत सुर्वे व राजन कीर आदी मान्यवर उपस्थित होते.
