आरसीबीचा ११२ धावांनी विराट विजय

(जयपूर)

आरसीबीने राजस्थानवर ११२ धावांसह दणदणीत विजय साकारला आणि त्यामुळेच गुणतालिकेत आता मोठा बदल झाला आहे. आरसीबीने राजस्थानपुढे विजयासाठी १७२ धावांचे आव्हान ठेवले होते. पण आरसीबीने राजस्थानचा अवघ्या ५९ धावांत धुव्वा उडवला आणि ११२ धावांनी विजय साकारला. या विजयासह गुणतालिकेत आता मोठा बदल झाला आहे.

यापूर्वी आरसीबीचे ११ सामने झाले होते. यात आरसीबीच्या संघाने पाच सामने जिंकले होते तर ६ सामन्यांत त्यांना पराभव पत्करावा लागला होता. त्यामुळे आरसीबीच्या संघाने पाच विजयांसह १० गुण पटकावले होते. त्यामुळे हा संघ सातव्या स्थानावर होता.

दुसरीकडे राजस्थानच्या संघाने या सामन्यापूर्वी १२ सामने खेळले होते. या १२ सामन्यांत राजस्थानने ६ सामने जिंकले होते तर सहा सामन्यांमध्ये त्यांचा पराभव झाला होता. त्यामुळे सहा सामन्यांतील विजयासह त्यांच्या खात्यात १२ गुण होते. त्यामुळे १२ गुणांसह राजस्थानचा संघ पाचव्या स्थानावर होता. हा सामना जिंकेल त्यांना दोन गुण मिळणार होते आणि या दोन गुणांसह गुणतालिकेत मोठा बदल असून आता आरसीबीने १२ गुणांसह पाचवे स्थान पटकावले आहे.