(दापोली)
दापोली तालुक्यामधील साकुर्डे येथील अपघातग्रस्त 34 वर्षीय तरूणाचा मुंबई येथे उपारादरम्यान मृत्यू झाला.
विठ्ठल जोशई (मुक्काम पोस्ट वेरळ-पालवणी, ता. मंडणगड, सध्या साकुर्डे ता. दापोली) असे मृत तरूणचे नाव आहे.
दापोली पोलिसांनी दिलेल्या माहितीनुसार, विठ्ठल जोशी दुचाकीवरून 1 मार्च रोजी रात्री 8.30 च्या दरम्यान साकुर्डे येथून वेरळकडे येत होता. कांगवई गावाजवळ रस्त्यावर त्याची गाडी घसरल्यामुळे अपघात झाला. या अपघातात त्याच्या डोक्याला गंभीर दुखापत झाली होती. त्याला अधिक उपचारासाठी मुंबई केईएम रूग्णालयात दाखल करण्यात आले होते. तेथे उपचार सुरू असताना त्याचा मृत्यू झाला.
याची खबर पोलीस स्थानकात देण्यात आली. दापोली पोलिसात या प्रकरणी आकस्मिक मृत्यू म्हणून नोंद करण्यात आली आहे.
