(जाकादेवी / वार्ताहर)
वरवडे पंचक्रोशी शिक्षण प्रसारक मंडळाचे माध्यमिक विद्यालय वरवडे येथे इयता आठवीत शिक्षण घेत असलेली विद्यार्थीनी कु.आर्या संतोष बोरकर हिने NMMS स्कॉलरशिप परीक्षेमध्ये जनरल कॅटग्रीमधून ११७ गुण मिळवून १९ वा क्रमांक प्राप्त केला. या गुणवत्तेबद्दल तिला प्रत्येक वर्षी १२ हजार रुपये स्कॉलरशीप शासनाकडून मिळणार आहे.
शाळेतील गुणी, प्रामाणिक, अभ्यासू, हुशार, वक्तृत्व स्पर्धेत पारंगत म्हणून तिच्याकडे पाहिले जाते. विशेष उल्लेखनीय यशाबद्दल कु.आर्या हिचे प्रशालेतील शिक्षकांनी बुके, भेटवस्तू देऊन तिचे खास अभिनंदन करून शुभेच्छा दिल्या. तिला प्रशालेच्या शिक्षिका सौ.कदम यांनी बहुमोल मार्गदर्शन केले. मुख्याध्यापक श्री. डी.डी.पोतदार, शिवाजी जगताप, राजेश जाधव, प्रशांत विचारे, श्रीम.गराडे, सौ.कदम, सुहास कुंभार, मनोज महाडिक, बाळू विचारे यांनी आर्या हिचे कौतुक करून अभिनंदन केले.
