युरिक ॲसिड वाढल्याने शरीरावर होतात गंभीर परिणाम; ही आहेत लक्षणे आणि उपचार

(आरोग्य)

युरिक ॲसिडचा त्रास असणाऱ्या व्यक्तींना खाण्यापिण्याची विशेष काळजी घ्यावी लागते. ही पथ्यं युरिक ॲसिड वाढलेल्या व्यक्तीने पाळली नाहीत, तर किडनी खराब होण्याचीही शक्यता असते. ताण,तणाव, जीवनशैलीतील बदल यामुळे शरीरातील युरीक एसिडचं प्रमाण वाढतं. युरीक एसिड वाढल्यानं किडन्या, लिव्हर आणि हृदयाच्या कार्यक्षमतेवर परिणाम होतो. यामुळे मांसपेशीतील वेदना वाढू शकतात.

युरिक ॲसिड हे आपल्या शरीरात बनणारे एक केमिकल आहे, जे शरीरात प्यूरिन नावाच्या केमिकलच्या विघटनाने तयार होते. शरीरात युरिक ॲसिडचे प्रमाण वाढले तर अनेक गंभीर आजारांचा धोकाही वाढू शकतो. म्हणूनच ते नियंत्रणात ठेवणे अत्यंत आवश्यक आहे. जेव्हा युरिक ॲसिडची पातळी सामान्य स्तरापेक्षा वाढते, तेव्हा ते शरीराच्या वेगवेगळ्या भागात जमा होते. त्यामुळे सांध्यामध्येही वेदना होतात. यासाठी काही नैसर्गिक उपाय व आहार हे तुमच्यासाठी उपयुक्त ठरू शकतात.

मांसाहारात मोठ्या प्रमाणात प्रोटीनचा समावेश असतो. इतर वेळी प्रोटीन हे शरीरासाठी फायद्याचे ठरत असले, तरी यूरिक ॲसिडच्या रुग्णांसाठी मात्र ते घातक ठरण्याची शक्यता असते. मांसाहारामध्ये प्रोटीन असल्यामुळे त्यापासून यूरिकची मोठ्या प्रमाणात निर्मिती होत असते. नॉनव्हेज खाल्ल्यामुळे किडनी डॅमेज होण्याचा धोकाही असतो. युरिक एसिड कमी करण्यासाठी अनेक औषध उपलब्ध आहेत पण युरिक एसिड कमी करण्याचा सोपा उपाय म्हणजे खाण्यापिण्यातील बदल. सगळ्यात आधी प्युरिनयुक्त खाद्यपदार्थ  मासे, बिअर, रेडमीट, ब्रोकोली यांसारखे पदार्थ जास्त खाऊ नये.

प्रत्येकाच्या शरीरात यूरिक ॲसिडची निर्मिती होतच असते. मात्र याचे प्रमाण एका मर्यादेपेक्षा अधिक वाढले, तर ती धोक्याची घंटा मानली जाते. पुरुषांमध्ये हे प्रमाण 4 ते 6.5mg/dl तर महिलांमध्ये 3.5 ते 6 mg/dl एवढे असणे अपेक्षित असते. यापेक्षा युरिक ऍसिड ची पातळी वाढली, तर ते चिंतेचे लक्षण मानले जाते.

लक्षणे

शरीरात यूरिक ॲसिड चे प्रमाण वाढले की सांध्यांमध्ये वेदना होण्यास सुरुवात होते. याचे प्रमाण जसजसे वाढत जाईल तसतसा किडनी स्टोन होण्याचा धोकाही वाढतो. यापैकी कुठलेही लक्षण दिसू लागल्यानंतर तातडीने रक्ताची चाचणी करून घेणे आवश्यक असते. त्यामुळे रक्तातील यूरिक ॲसिडच्या पातळीचे वेळीच निदान होऊन, लवकर उपचार सुरू करता येणे शक्य होते.

आहार

यूरिक ॲसिडची पातळी नियंत्रणात येईपर्यंत रुग्णांनी आहारात काही बदल करणे आवश्यक असते. अशावेळी नॉनव्हेज घटक आहारातून पूर्णतः काढून टाकण्याचा सल्ला दिला जातो. बहुतांश मांसाहारी पदार्थ हे युरिक ॲसिड ट्रिगर करण्याचं काम करत असतता. त्यामुळे ज्यांच्या रक्तातील युरिक ॲसिडचं प्रमाण वाढलेलं असतं, त्यांना डॉक्टर मांसाहारापासून दूर राहण्याचा सल्ला दिला जातो.  त्याचप्रमाणे इतर कुठल्याही प्रकारच्या हाय प्रोटीन पदार्थांचे सेवन न करण्याचा सल्लाही दिला जातो.

काकडीचा रस

काकडीच्या रसात लिंबू मिसळून प्यायल्यानं लिव्हर, किडनी डिटॉक्ट होण्यात मदत होते. आणि रक्तप्रवाहात यूरिक ऍसिडची पातळी कमी होते आणि किडनी डिटॉक्स करण्यास मदत होते. हे मूत्रपिंडाचे कार्य सुधारण्यास आणि शरीरातील विषारी पदार्थ बाहेर टाकण्यास मदत करते.

गाजराचा रस

गाजराचा रस लिंबाच्या रसात मिसळून प्यायल्याने युरिक अॅसिडचे वाढलेले प्रमाण नियंत्रित केले जाऊ शकते. कारण गाजराच्या रसामध्ये अँटिऑक्सिडंट्स, व्हिटॅमिन ए, फायबर, बीटा कॅरोटीन, मिनरल्स असतात जे यूरिक ऍसिड वाढल्याने होणारे नुकसान कमी करण्यास मदत करतात. तसेच, लिंबूमध्ये अँटिऑक्सिडेंट, व्हिटॅमिन सी असते, जे नैसर्गिकरित्या रोगप्रतिकार शक्ती वाढवते.