भाजपा चिपळूण , भाजपा उत्तर रत्नागिरी जिल्हा प्रसिद्धी व शिक्षक आघाडी यांच्या संयुक्त विद्यमाने जिल्हाध्यक्ष माजी आमदार डॉ. विनय नातू यांच्या मार्गदर्शनाखाली जनसंघाचे संस्थापक डॉ. श्यामाप्रसाद मुखर्जी जयंतीनिमित्त करीअर मार्गदर्शन कार्यशाळा (वेबिनार) चे आयोजन करण्यात आले आहे. चिपळूण च्या ग्रामीण व शहरी भागातील विद्यार्थी आणि पालक यांच्यासाठी हा कार्यक्रम मर्यादित आहे.
झूम ॲपच्या माध्यमातून दि. ६ जुलै- दहावी व ७ जुलै – बारावी अशा दोन सत्रांमध्ये ही कार्यशाळा होणार आहे. यामध्ये करिअर मार्गदर्शन या विषयातील तज्ञ आणि भारतीय अंतराळ संशोधन संस्था (इस्रो)मधील अधिकारी मार्गदर्शन करणार आहेत. तसेच भाजपाचे प्रदेश व जिल्हा स्तरावरील वरिष्ठ पदाधिकारी व लोकप्रतिनिधी कार्यक्रमास उपस्थित राहणार आहेत. तरी आपण या कार्यक्रमाचा घेण्याचे आवाहन तालुकाध्यक्ष विनोद भोबस्‍कर, शहराध्यक्ष आशिष खातू, संदेश ओक, सोमनाथ सुरवसे यांनी केले आहे.
