(पाचल / वार्ताहर )
पाचल परिसरातील जेष्ठ सामाजिक कार्यकर्ते गोपीनाथ उर्फ आप्पा साळवी यांच्या वाढदिवसाचे औचित्य साधून राजापूर तालुक्यातील ग्रामपंचायत तळवडे व पाचल पंचक्रोशी मित्र मंडळ यांच्या संयुक्त विद्यमाने उद्या 30 मार्च रोजी भव्य रक्तदान शिबिराचे आयोजन करण्यात आलं आहे. हे शिबिर तळवडे ग्रामपंचायत येथील सभागृहात सकाळी 10 ते 3 या वेळेत होणार असून जास्त जास्त रक्तदात्यांनी या शिबिरात सहभागी होऊन रक्तदान करण्याचा आव्हान, पाचल पंचक्रोशी मित्र मंडळाने केले आहे. गोपीनाथ उर्फ आप्पा साळवी हे पाचल परीरातील सामाजिक कार्यकर्ते असून सामाजिक तसेच शैक्षणिक क्षेत्रात त्यांनी या परिसरात भरीव कामगिरी केली आहे.
आप्पा साळवी या नावाने परिसरातील जेष्ठ तसेच तरुणांना आपलंस केलं आहे, कोणतेही कामं असो या नावाने अजूनपर्यंत कोणालाही निराश केलेलं नाही.काहीही झाले तरी गरजवंताला हे नाव खंबीर पणे पाठीशी उभं राहिलं आहे. याचाच एक भाग म्हणून समाजातील अनेक तरुणांनी एकत्र येऊन यांच्या वाढदिवसाच्या दिवशी जगातील सर्वात श्रेष्ठ असं रक्तदान अशा या शिबिराचं आयोजन केलं आहे.
या आधी देखील या तरुण मित्र मंडळीने वेगवेगळ्या कार्यक्रमाचे आयोजन करून रक्तदान शिबिरं आयोजित केली आहेत. अजूनपर्यंत या मंडळानी सात वेळा कॅम्प घेतले आहेत जे यशस्वी रित्या पार पाडले आहेत. या सात शिबिरामध्ये कोव्हीड काळात घेतलेल्या शिबिराला उत्स्फूर्त प्रतिसाद लाभला होता. त्यामुळे उद्याच्या कार्यक्रमाला उत्स्फूर्त प्रतिसाद लाभेल, अशी अशा व्यक्त केली जात आहे.
