हरनप्रीत कौरच्या मुंबई इंडियन्सने पहिल्या हंगामाचे विजेतेपद पटकावत आश्चर्यकारक कामगिरी केली. अंतिम सामन्यात मुंबई इंडियन्सने दिल्ली कॅपिटल्सचा ७ गडी राखून पराभव केला. इंग्लंडची अनुभवी खेळाडू नताली सीव्हर ब्रंटने महिला प्रीमियर लीगच्या पहिल्या सीझनमध्ये मुंबई इंडियन्सला चॅम्पियन बनवले आहे. तिने ५५ चेंडूत नाबाद ६० धावांची झुंजार खेळी करून संघाला विजेतेपद पटकावून दिले.
दिल्लीने २० षटकांत ९ विकेट गमावून १३१ धावा केल्या. प्रत्युत्तरात मुंबईने १९.३ षटकांत ३ विकेट्सच्या मोबदल्यात १३४ धावा करून सामना जिंकला. मुंबई फ्रँचायझीच्या खात्यातील ही सहावी ट्रॉफी आहे. त्यांचा पुरुष संघ आयपीएलमध्ये पाच वेळा चॅम्पियन बनला आहे. दिल्लीने २० षटकांत ९ गडी गमावून १३१ धावा केल्या. प्रत्युत्तरात मुंबईने १९.३ षटकांत तीन गड्यांच्या मोबदल्यात १३४ धावा करून सामना जिंकला.
नतालीने अमेलिया केरसोबत चौथ्या विकेटसाठी २० चेंडूत नाबाद ३९ धावांची भागीदारी केली. अमेलिया केर आठ चेंडूत १४ धावा करून नाबाद राहिली. नतालीने याआधी कर्णधार हरमनप्रीत कौरसोबत तिसऱ्या विकेटसाठी ७४ चेंडूत ७२ धावांची भागीदारी केली होती. हरमनप्रीत ३९ चेंडूत ३७ धावा करून बाद झाली. हिली मॅथ्यूजने १३ आणि यास्तिका भाटियाने चार धावा केल्या. दिल्लीकडून राधा यादव आणि जेस जोनासेन यांनी प्रत्येकी एक विकेट घेतली.
या सामन्यात दिल्लीच्या फलंदाजांनी निराशा केली. कर्णधार मेग लॅनिंग वगळता कोणीही जास्त वेळ क्रीजवर टिकू शकले नाही. लॅनिंगने २९ चेंडूत ३५ धावा केल्या. ती दुर्दैवाने धावबाद झाली. मारिजन कॅपने १८ आणि शेफाली वर्माने ११ धावांचे योगदान दिले. मुंबईकडून इस्सी वाँग आणि हीली मॅथ्यूजने प्रत्येकी तीन बळी घेतले. अमेलिया केरला दोन बळी मिळाले.
महिला प्रीमिअर लीग 2023 स्पर्धेला मुंबई इंडियन्सच्या रूपात पहिला वहिला विजेता संघ मिळाला आहे. या विजयामुळे कदाचित पुरुष मुंबई इंडियन्स संघाचाही आत्मविश्वास वाढणार आहे. कारण, 31 मार्चपासून आयपीएल 2023 हंगामाला सुरुवात होत आहे.
