(गणपतीपुळे / वैभव पवार )
रत्नागिरी तालुक्यातील जयगड येथील जिंदल विद्यामंदिर प्रशालेने नुकतेच मराठी राजभाषा स्पर्धेत घवघवीत यश संपादन केले आहे. सर्वकष विद्यामंदिर रत्नागिरी येथे मराठी राजभाषा दिना निमित्त स्पर्धा आयोजित करण्यात आल्या होत्या.
सदर स्पर्धेत जिंदल विद्या मंदिर प्रशालेचे विद्यार्थी सहभागी झाले. त्यामध्ये इयत्ता सहावीतील जुई उमेश गद्रे या विद्यार्थिनीने एकपात्री अभिनय स्पर्धेत प्रथम क्रमांक पटकावला. त्यानंतर चौकीतील विद्यार्थी निशांत अवधूत केळकर याने नाट्यछटा स्पर्धेत द्वितीय क्रमांक पटकावला. तसेच नववीतील विद्यार्थी अनय रामचंद्र घनवटकर याने अभिवाचन स्पर्धेत तृतीय क्रमांक पटकावला. या यशस्वी विद्यार्थ्यांचे शाळेच्या मुख्याध्यापिका त्रप्ती वराठे यांनी पुष्पगुच्छ देऊन अभिनंदन केले.
तसेच शाळा व्यवस्थापन समितीचे अध्यक्ष पेद्दंना सर यांनी विद्यार्थ्यांना शुभेच्छा व्यक्त केल्या. या यशस्वी विद्यार्थ्याना पल्लवी मोहिते, दिक्षा जाधव व प्रज्ञा मेढेकर या शिक्षकांचे मार्गदर्शन लाभले.या यशाबद्दल शाळेतील शिक्षकवर्गाने ही विद्यार्थ्यांचे अभिनंदन केले आहे.
