(मुंबई)
टीम इंडियाचा स्टार क्रिकेटर शार्दुल ठाकूरने त्याची गर्लफ्रेंड मिताली पारुलकरसोबत लग्न केले आहे. दोघांनी आज सोमवारी (२७ फेब्रुवारी) मुंबईत मराठी रितीरिवाजानुसार सात फेरे घेतले. केएल राहुल आणि अक्षर पटेल यांच्यानंतर या वर्षी लग्न करणारा शार्दुल ठाकूर हा तिसरा भारतीय क्रिकेटपटू आहे. शार्दुल ठाकूर आणि मिताली पारुलकर पारुलकर यांच्या लग्नाचे फोटोही समोर आले आहेत. केएल राहुल आणि अक्षर पटेल यांच्यानंतर या वर्षी लग्न करणारा शार्दुल हा तिसरा भारतीय क्रिकेटपटू आहे.
शार्दुल-मितालीचे लग्न मोठ्या थाटामाटात पार पडले. लग्नापूर्वी संगीत समारंभ आणि हळदी समारंभातही शार्दुल-मितालीने धमाल केली होती. यासंबंधीचे फोटो आणि व्हिडिओ चांगलेच व्हायरल झाले आहेत. या प्री वेडिंग फंक्शनमध्ये भारतीय संघाचा कर्णधार रोहित शर्मा, श्रेयस अय्यर हेही सहभागी झाले होते. एवढेच नाही तर युझवेंद्र चहलची पत्नी धनश्री वर्मा, अभिषेक नायर आणि मुंबई संघाचे खेळाडू सिद्धेश लाड हेदेखील सामील झाले होते.
शार्दुलची पत्नी मिताली पारुलकर ही एक बिझनेसवुमन आहे आणि मुंबईजवळील ठाण्यातील ऑल द बेक्स या स्टार्टअपची मालक आहे. मिताली पारुलकरने फेब्रुवारी २०२० पासून “ऑल द जॅझ – लक्झरी बेकर्स” नावाने बेकरी व्यवसाय सुरू केला आहे.
