(संगमेश्वर)
तालुक्यातील साखरपा-कोंडगाव येथे छत्रपती शिवाजी महाराजांची जयंती दरवर्षी जय शिवराय मित्रमंडळातर्फे मोठ्या दिमाखात साजरी केली जाते. त्यानिमित्त सामाजिक, क्रीडा, शैक्षणिक उपक्रम राबविले जातात. यंदा शिवाजी महाराजांच्या कार्याचे महत्त्व, पराक्रम समजावा या हेतूने दुर्गवीर प्रतिष्ठानने कोंडगाव येथील स्वर्गीय बाळासाहेब ठाकरे सभागृहात गड-किल्ल्यांचे चित्रप्रदर्शन व ऐतिहासिक नाणी यांचे प्रदर्शन आयोजित केले होते.
छत्रपती शिवाजी महाराजांची जयंतीनिमित्त आयोजित या प्रदर्शनाला परिसरातील शालेय विद्यार्थ्यांनी व इतिहासप्रेमी नागरिकांनी चांगला प्रतिसाद दिला. यावेळी माजी सभापती जया माने, कोंडगाव सरपंच प्रियांका जोयशी, साखरपा सरपंच रुचिता जाधव, कोंडगाव सदस्य जितू जोयशी मंगेश जोयशी, लक्ष्मण कदम, बापू शेट्ये, प्रताप सावंत हेही उपस्थित होते.
