(रत्नागिरी)
राज्यस्तरीय कॅडेट स्पर्धेसाठी रत्नागिरीचा संघ रवाना झाला आहे. 12 ते 14 फेब्रुवारी 23 रोजी वर्धा येथे ही स्पर्धा होत आहे. राज्यस्तरीय 5 व्या तायक्वांदो स्पर्धेत रत्नागिरीतून गणराज तायक्वांदो क्लबची त्रिशा मयेकर आणि एसआरके तायक्वांदो क्लबचे सार्थक चव्हाण, आदीष्टी काळे यांचा संघ रवाना झाला आहे.
तायक्वांदो असोसिएशन ऑफ महाराष्ट्रच्या मान्यतेने तायक्वांदो स्पोर्ट असोसिएशन, नाचणगाव, देवळी, वर्धा आयोजित ही स्पर्धा लक्ष्मी सेलिब्रेशन हॉल, फुलगाव, वर्धा इथे होणार आहे.
स्पर्धेत सहभागी होणाऱ्या खेळाडूंना राज्य संघटनेचे अध्यक्ष अविनाश बारगोजे, उपाध्यक्ष विनायक गायकवाड आणि धुलीचंद मेश्राम, अतिरिक्त उपाध्यक्ष प्रवीण बोरसे, महासचिव मिलिंद पाठारे, सचिव सुभाष पाटील, खजिनदार व्यंकटेश कररा यांनी शुभेच्छा दिल्या. या खेळाडूंना गणराज तायक्वांदो क्लबचे प्रशांत मकवाना, एस आरके तायक्वांदो क्लबचे शाहरुख शेख तसंच मिलिंद भागवत यांचे मार्गदर्शन लाभले आहे.
