(रत्नागिरी)
गोगटे- जोगळेकर महाविद्यालयाच्या गणित विभागातर्फे टॉपिक्स इन मॅथमॅटिक्स या राज्यस्तरीय पॉवरपॉइंट प्रेझेंटेशन स्पर्धेचे आयोजन करण्यात आले. यात सांगली, कोल्हापूर, गोवा आणि रत्नागिरीतील येथील विविध महाविद्यालयातील स्पर्धक सहभागी झाले.
स्पर्धकांनी सादरीकरणातून मांडलेले विविध प्रकारचे गणितातील विषय, परिक्षकांनी त्यांना विचारलेले प्रश्न, त्यावर स्पर्धकांनी दिलेले उत्तरे अशा उत्साही वातावरणात ही स्पर्धा झाली. वाणिज्य विभागाच्या उपप्राचार्या डॉ. यास्मिन आवटे यांनी अध्यक्षीय मनोगत व्यक्त केले. विज्ञान शाखेचे डॉ. विवेक भिडे यांनीही स्पर्धकांना शुभेच्छा दिल्या. फिनोलेक्स अभियांत्रिकी महाविद्यालयाचे डॉ. एस. बी. कुलकर्णी आणि गोगटे जोगळेकर महाविद्यालयातील गणित विभागाचे माजी प्रमुख डॉ. राजीव सप्रे, आय.टी. विभागातील प्रा. अदिती जोशी यांनी स्पर्धेचे परीक्षण केले. सूत्रसंचालन ऋतुजा ओक आणि मृणाल पुरोहित यांनी केले.
स्पर्धेचा निकाल
प्रथम- श्रमिका नाईक आणि गॉडसन रॉड्रिग्ज (धेंम्पे महाविद्यालय), द्वितीय- विनय मोरे (गोगटे जोगळेकर महाविद्यालय), तृतीय- मयुरी निर्मळेकर आणि सुरेश कुंडंगी, (विलिंग्डन महाविद्यालय, सांगली).
पारितोषिकप्राप्त विद्यार्थ्यांना मान्यवरांचे हस्ते प्रशस्तीपत्र आणि परितोषिक प्रदान करून गौरवण्यात आले
