( रत्नागिरी / प्रतिनिधी )
तालुक्यातील निवळी गावडेवाडी येथे आंबा बागेच्या राखणीसाठी असलेल्या नेपाळी कुटुंबातील 14 वर्षीय मुलाचे अपहरण करण्यात आल्याचा प्रकार समोर आला आह़े. धृवकुमार शोकबहादुर शाही (14, ऱा निवळी गावडेवाडी) असे अपहरण करण्यात आलेल्या मुलाचे नाव आह़े. या प्रकरणी त्यांच्या पालकांनी रत्नागिरी ग्रामीण पोलिसांत तकार दाखल केल़ी.
पोलिसांनी दिलेल्या माहितीनुसार, निवळी गावडेवाडी येथील किरण साळवी यांच्या आंबा बागेत धृवकुमार शाही याचे कुटुंबिय राखणीचे काम करतात़. 15 जानेवारी 2023 रोजी दुपारी 3 च्या सुमारास धृवकुमार यास अज्ञात इसमाने फुस लावून पळवून नेले, अशी तक्रार त्यांच्या पालकांच्यावतीने ग्रामीण पोलिसांत करण्यात आली आह़े. धृवकुमार याने अंगात लाल रंगाचा फूल टी शर्ट, पायात निळ्या रंगाची पॅन्ट, पायामध्ये काळ्या रंगाचे चप्पल, डाव्या हातात पिवळ्या रंगाचे बँड आह़े. तरी धृवकुमार याच्याबद्दल कुणाला काही माहिती असल्यास त्यांनी पोलिसांशी संपर्क साधण्याचे आवाहन पोलिसांकडून करण्यात आले आह़े.
