(गणपतीपुळे / वैभव पवार)
रत्नागिरी तालुक्यातील भगवतीनगर जांभूळवाडी येथील तिरंगा क्रिकेट क्लबच्यावतीने सलग तिसऱ्या वर्षी भव्य नाईट अंडरआर्म क्रिकेट स्पर्धेचे आयोजन करण्यात आले होते. यावेळी प्रकाशझोतात झालेल्या या नाईट अंडरआर्म क्रिकेट स्पर्धेमध्ये भगवतीगर भुतेवाडी येथील बीबीसीसी संघाने अंतिम फेरीच्या सामन्यात धामणसे येथील आरसीसी संघाला पराभूत करून या स्पर्धेचे अंतिम विजेतेपद पटकावले. तर धामणसे संघाला उपविजेतेपदावर समाधान मानावे लागले. यावेळी अंतिम विजेत्या बीबीसीसी भुतेवाडी संघाला रोख रुपये 8001 व आकर्षक चषक तर उपविजेत्या आरसीसी धामणसे संघाला रोख रुपये सहा हजार एक व चषक देऊन गौरविण्यात आले.
तसेच या स्पर्धेतील वैयक्तिक बक्षिसांमध्ये सामनावीर म्हणून सोहम भुते( बीबीसीसी भुतेवाडी), मालिकावीर अजिंक्य भुते ( बीबीसीसी भुतेवाडी) उत्कृष्ट गोलंदाज सुयश चौगुले( बीबीसीसी भुतेवाडी) उत्कृष्ट उत्कृष्ट फलंदाज म्हणून करण गोताड ( आरसीसी धामणसे) तर शिस्तबद्ध संघ म्हणून जोशीवाडी धामणसे संघाला सन्मानित करण्यात आले.
यावेळी या स्पर्धेसाठी सहकार्य करणाऱ्या करणाऱ्या प्रमुख पंच, समालोचक, गुणलेखक व अन्य मंडळींचा सन्मान तिरंगा क्रिकेट क्लबच्या वतीने करण्यात आला. याप्रसंगी बक्षीस वितरण समारंभाला भगवतीनगर जांभूळवाडी येथील प्रतिष्ठित नागरिक उदय पडवळे, मिलिंद पडवळे, विश्वनाथ गोणबरे,संजय गोणबरे, दीपक घाणेकर, सुनील रावणंग, पत्रकार वैभव पवार महेश पवार, पंकज खेऊर, सागर पवार तिरंगा क्रिकेट क्लब अध्यक्ष विकास गोणबरे,वैभव सोबळकर, विजय सोबळकर आदी मान्यवर उपस्थित होते.
स्पर्धा स्पर्धा यशस्वी करण्यासाठी तिरंगा क्रिकेट क्लब जांभूळवाडी भगवतीनगर चे अध्यक्ष विकास गोणबरे यांच्या नेतृत्वाखाली सर्व सदस्यांनी व कार्यकर्त्यांनी विशेष मेहनत घेतली.
