( रत्नागिरी / प्रतिनिधी )
रत्नागिरीतील टी आर पी, सह्याद्रीनगर येथून 16 वर्षीय मुलगा बेपत्ता झाल्याची तक्रार शहर पोलिस ठाण्यात देण्यात आली आह़े. राज सुनिल वाघाटे (16, ऱा सह्याद्रीनगर टी आर पी, रत्नागिरी) असे बेपत्ता मुलाचे नाव आह़े. राज हा 4 सप्टेंबर 2022 पासून बेपत्ता असून त्याचा अद्याप पत्ता लागलेला नाह़ी.
पोलिसांनी दिलेल्या माहितीनुसार राज हा त्याची मावशी दिपाली शिवगण यांच्या टीआरपी येथील घरी भाड्याने रहात होत़ा. 4 सप्टेंबर 2022 रोजी रात्री घराचे पाठीमागील बाजूला लघुशंकेला जातो असे सांगून बाहेर पडला तो अद्यापपर्यंत घरी परतलाच नाह़ी, असे मावशी दिपाली दीपक शिवगण (ऱा सह्याद्रीनगर नाचणे) यांनी शहर पोलिसांत दिलेल्या तक्रारीत म्हटले आहे.
राज हा यापूर्वी देखील घरातून बेपत्ता झाला होत़ा. असेही म्हटले आहे. त्याची उंची 5 फूट 8 इंच असून रंग गोरा, अंगात केशरी रंगाचा शर्ट, चॉकलेटी रंगाची हाफ पॅन्ट परिधान केलेली आह़े. त्याच्याबद्दल माहिती मिळाल्यास रत्नागिरी शहर पोलिसांशी संपर्क साधण्याचे आवाहन करण्यात आले आहे.
