(जाकादेवी / वार्ताहर)
रत्नागिरी येथील रा. भा. शिर्के या प्रशालेची विद्यार्थीनी कुमारी आरूणी अमित दुधाळे ही पूर्व प्राथमिक शिष्यवृत्ती परीक्षेत ( इ. ५ वी ) मध्ये जिल्हा गुणवत्ता शहरी सर्वसाधारण यादीत ७९ वी आली असून तालुका यादीत ४५ व्या स्थानावर झळकली आहे. ती शिष्यवृत्तीसाठी पात्र झाली आहे.
कु.आरूणीला तिच्या पालकांचे व शाळेतील शिक्षकांचे मौलिक मार्गदर्शन लाभले. आरुणी ही जाकादेवी हायस्कूलचे माजी शिक्षक कै. तानाजी दुधाळे यांची नात आहे. अभ्यासाव्यतिरिक्त आरुणी सध्या भरतनाट्यम, कथ्थक या नृत्याचे शिक्षण घेत असून कमी वयात कथ्थक विशारद होण्याचा तिचा मानस आहे. गुणवत्ता यादीत झळकल्यामुळे आरुणीचे सर्व स्तरातून अभिनंदन आणि कौतुक होत आहे.
