(जाकादेवी / वार्ताहर)
गुहागर तालुक्यातील माध्यमिक विद्यालय काजुर्ली येथे वार्षिक स्नेहसंमेलन व क्रीडा महोत्सव साजरा करण्यात आला. त्यावेळी मोहिनी मुरारी शिक्षण संस्था मालगुंडचे सचिव रोहित मयेकर, संकेत देसाई ,ऋषिकेश सुर्वे, प्रतिक देसाई, कजुर्ली गावच्या सरपंच सुवरे, उपसरपंच, सुधाकर गोनबरे, नंदकुमार धांगडे ग्रामपंचायत सदस्य, पोलीस पाटील सीमा लिंगायत, आबा खानविलकर, जि. प. शाळा क्र. १ व २ चे मुख्याध्यापक श्री वासुदेव पांचाळ व दशरथ साळवी तसेच अमोल पवार, योगेश चव्हाण आदी मान्यवर उपस्थित होते.
कार्यक्रमाचे प्रास्ताविक शाळेचे मुख्याध्यापक श्री.आशिष घाग यांनी केले. इस्त्रो आणि नासासाठी निवड झालेली जिल्हा परिषद शाळा नंबर २ ची कुमारी सोनाली डिंगणकर हिचा सत्कार रोहित मयेकर यांच्या हस्ते करण्यात आला. वार्षिक क्रीडा स्पर्धा 2022 23 मध्ये सांघिक क्रीडा प्रकारामध्ये कबड्डी खो-खो लंगडी तर वैयक्तिक मध्ये थाळीफेक गोळा फेक 100 मीटर धावणे असे क्रीडा प्रकार घेण्यात आले. उपस्थित मान्यवरांच्या हस्ते बक्षीस वितरण पार पडले
