(दापोली)
आर.व्ही.बेलोसे एज्युकेशन फाऊंडेशन दापोलीच्या न.का.वराडकर कला आणि रा.वि.बेलोसे वाणिज्य महाविद्यालयाची विद्यार्थिनी कु.सानिका भाटकर हिची तामिळनाडू येथे होणा-या ६ व्या कुमार/कुमारी गटात राज्यस्तरील कबड्डी स्पर्धेसाठी निवड झाली आहे.
भारतीय हौशी कबड्डी महासंघाच्या मान्यतेने तामिळनाडू हौशी कबड्डी असोसिएशनच्यावतीने ६ वी कुमार गट मुले व मुली फेडरेशन चषक स्पर्धा दि.१ जानेवारी २०२३ ते ३ जानेवारी २०२३ या कालावधीमध्ये ‘दी अमेरीकन कॉलेज’ इनडोअर स्टेडिअम, मदुराई, तामिळनाडु येथे आयोजित करण्यात आली आहे. सदर स्पर्धेसाठी महाराष्ट्राच्या कुमार गटात मुलींच्या संघामधून तीची निवड झाली आहे.
सदर विद्यार्थिनी हिंदवी युवा प्रतिष्ठान, काल्हेर- ठाणे, रेती बंदर येथे होणा-या सराव शिबिरात सहभागी होणार आहे. महाराष्ट्र कुमार गट मुलींच्या संघात निवड झाल्यावर सानिका भाटकर चे आर. व्ही. बेलोसे एज्यूकेशन फाउंडेशन संस्थेच्या सभापती श्रीमती जानकीताई बेलोसे, कार्यवाह डॉ.दशरथ भोसले सर्व संस्था पदाधिकारी व महाविदयालयाचे प्राचार्य डॉ. भारत कऱ्हाड यांनी विशेष कौतुक करत पुढील वाटचालीस शुभेच्छा दिल्या.
तिच्या यशात महाविद्यालयाचे क्रीडाप्रशिक्षक प्रा.राजेंद्र देवकाते व प्रा.सौ.पूनम सावंत यांनी मोलाचे योगदान दिले. यावेळी महाविद्यालयाचे प्राध्यापक, शिक्षक व शिक्षकेतर कर्मचारी यांनी कानिकाचे अभिनंदन व शुभेच्छा दिल्या.
