(चिपळूण)
चिपळूणात एका दुचाकीस्वारास दुसऱ्या अज्ञात दुचाकीस्वाराने धडक देऊन अपघात केल्याची घटना चिवेली फाटा येथे 4 डिसेंबर रोजी रात्री 7.45 ते 8 च्या सुमारास घडली. यात एक दुचाकीस्वार जखमी झाला आहे. या प्रकरणी अज्ञात दुचाकीस्वारावर गुन्हा दाखल करण्यात आला आहे. या बाबतची फिर्याद अजय दत्ताराम ताम्हणकर (19, मार्गताम्हाने) याने दिली.
पोलिसांनी दिलेल्या माहितीनुसार, अजय मार्गाताम्हाने ते घोणसरे असा दुचाकीने जात असताना चिवेली फाटा येथे समोरुन येणाऱ्या अज्ञात दुचाकीस्वाराने अतिवेगाने विरुध्द दिशेला येत समोरुन धडक दिली. यात अजयच्या डोक्याला व मानेला दुखापत झाली. धडक देणारा दुचाकीस्वार न थांबता पळून गेला. या अपघातानंतर 12 दिवसांनी तक्रार दाखल करण्यात आली आहे.
