( खेड / इक्बाल जमादार )
धान्य वाहून नेणाऱ्या ट्रकला भोस्ते घाटात सोमवारी मध्यरात्री अपघात झाल्पाची घटना घडली आहे. या अपघातात ट्रक चालक जखमी झाला असून त्याच्यावर उपचार सुरू आहेत.
सविस्तर वृत्त असे की, मुंबई गोवा महामार्गावरील भोस्ते घाटात सोमवारी मध्यरात्री अडीच वाजण्याच्या ट्रक चालकाचा ताबा सुटल्याने ट्रक डिव्हायडर तोडून रस्त्याच्या पलीकडे जाऊन पलटी झाला. हा ट्रक चालक कोल्हापूर येथून तांदूळ घेऊन अलिबागकडे जात होता.
ट्रक भोस्ते घाट उतरत असताना चालकाचा ट्रकवरील ताबा सुटल्याने डिव्हायडर तोडून रस्त्याच्या पलीकडे जाऊन शेतात पलटी झाला. या अपघातात ट्रकमधील धान्याच्या गोणी संपूर्ण शेतात विखुरल्या गेल्या होत्या. यामध्ये धान्याचे मोठ्या प्रमाणात नुकसान झाले आहे.
