(राजापूर / प्रतिनिधी)
राजापूर तालुक्यातील तळवडे ग्रामपंचायतीच्या सरपंचपदी गायत्री अमित साळवी यांची बिनविरोध निवड करण्यात आली. गावातील ग्रामस्थांनी एकमुखाने निर्णय घेत, गावच्या विकासाला प्राधान्य देणाऱ्या गायत्री साळवी यांच्यावर विश्वास दाखवत थेट सरपंच पदासाठी बिनविरोध निवड केली आहे.
दरम्यान या ग्रामपंचायतीच्या उपसरपंच पदी यशवंत पांडुरंग साळवी यांची निवड करण्यात आली. तसेच प्रभाग क्रमांक 1, 2, 3 चे 9 उमेदवार बिनविरोध निवडून आले आहेत. सर्व उमेदवारांचे अभिनंदन करण्यात येत आहे.
तळवडे ग्रामस्थांनी ग्रामपंचायतीची निवडणूक बिनविरोध करण्याचे ठरवले होते. त्यानुसार सरपंच पदासाठी गावाने माजी शिवसेना विभाग प्रमुख आप्पा साळवी यांची सून गायत्री साळवी यांची निवड करण्यात आली होती. त्याप्रमाणे त्यांना बिनविरोध निवडून देण्यात आले. तसेच सदस्य पदासाठी ही 3 प्रभाग मधून 9 सदस्य उभे राहिले होते. गाव विकास पॅनेलच्या माध्यमातून त्यांची बिनविरोध निवड करण्यात आली.
प्रभागनिहाय सदस्य खालीलप्रमाणे
▪️ प्रभाग क्रमांक १
श्री.बाळकृष्ण ल.मिशाले
सौ.मनिषा मनोहर मोरे
सौ.सानिका सुनिल राणे
▪️ प्रभाग क्रमांक २
श्री.यशवंत पांडुरंग साळवी
श्री.प्रदिप प्रभाकर प्रभुदेसाई
सौ.प्रेरणा प्रशांत गुरव
▪️ प्रभाग क्रमांक ३
श्री.चंद्रकांत शिवराम गोबरे
सौ.सोनाली चंद्रकांत गुरव
सौ.विजया वासुदेव किजंलसकर
सर्व ग्रामविकास पॅनलच्या सरपंच पदासह सदस्य पदाच्या उमेदवारांना बिनविरोध निवडून दिल्याबद्दल तळवडे गावातील तमाम ग्रामस्थ, वाडीप्रमुख – सर्व पक्षीय पदाधिकारी, कायकर्ते यांचे कौतुक करण्यात येत आहे. तर बिनविरोध उमेदवारांनी सर्वांचे आभार मानले आहेत.
