(खवटी / वार्ताहर)
खेड तालुक्यातील धाकटे मांडवे येथे जागृत हनुमान मंदिराचा जीर्णोद्धार व कलशारोहण तसेच वाडीअंतर्गत रस्त्याचा उद्घाटन सोहळा नुकताच संपन्न झाला.
दापोली विधानसभा मतदार संघाचे लोकप्रिय आमदार योगेश कदम यांच्या विशेष प्रयत्नाने २५,१५ योजने अंतर्गत रू.५ लक्ष निधी मंजूर करून धाकटे मांडवे येथील रस्त्याचे काम पूर्ण होऊन या रस्त्याचे उदघाट्न आमदार योगेश कदम यांच्या शुभ हस्ते संपन्न झाले.
आमदार म्हणून, विकासकामे करण्याची माझी जबाबदारी आहे आणि त्यात मी कोठेही कमी पडणार नाही. सर्वानी एकत्र येऊन वाडीचा गावचा विकास करुन घ्या, विकास कामे करून जनतेला सोबत घेऊन मला विकास करायचा आहे. विकास कामांची व्याख्या आपल्याला बदलायची आहे. रस्ते पाणी पाखाडी या आपल्या मूलभूत सुविधा आहेत. त्याच्या व्यतिरिक्त आपल्याला आपल्या गावचा विकास करायचा आहे, असे दादांनी ग्रामस्थांना अश्वाशित केले.
सदर कार्यक्रमास जिल्हा प्रमुख शशिकांत चव्हाण, तालुका सचिव सचिन धाडवे, विभाग प्रमुख श्रीकांत शिर्के, माजी सरपंच राजेंद्र शेलार, वाडी अध्यक्ष पांडुरंग देवरुखकर, उप अध्यक्ष एकनाथ शिंदे, मुंबई अध्यक्ष रघुनाथ शिंगरे, उप अध्यक्ष मंगेश गोसावी, सरपंच ग्रामस्थ व पदाधिकारी उपस्थित होते.
