( दापोली / प्रतिनिधी )
दापोली तालुक्यातील जालगाव येथे दापोली-पन्हाळेकाजी बसला दुचाकीने धडक दिल्याने झालेल्या अपघातात दुचाकीस्वार जखमी झाल्याची घटना गुरुवार सकाळी 10.30 च्या सुमारास घडली.
दापोली पोलिसांनी दिलेल्या माहितीनुसार बसचालक अमित साळवी हे बस घेऊन पन्हाळेकाजीवरून दापोलीकडे येत होते. गाडी जालगावात आली असता दापोलीकडून येणाऱ्या बजाज कंपनीच्या भगव्या रंगाच्या एन. एस. 125 पल्सर मोटारसायकलने एसटी बसच्या उजव्या बाजूला मागील चाकाला ठोकर देऊन अपघात केला. या अपघातामध्ये मोटारसायकल स्वार जखमी झाला आहे. या मोटारसायकलवर नंबर नाही. अपघातास कारणीभूत ठरुन गाडीच्या नुकसानीस जबाबदार तसेच स्वतच्या दुखापतीस जबाबदार म्हणून दापोली पोलीस स्थानकात मोटार अपघात नोंद करण्यात आला आहे.
