( रायगड )
मुंबई- गोवा महामार्गावरील कशेडी घाटात डंपर पलटी झाला. परीक्षा देऊन घरी परतणा-या तीन मुलींवर सोमवारी रात्री ९च्या सुमारास मुंबई- गोवा महामार्गावरील कशेडी घाटात काळाने घाला घातला. ज्या रिक्षाने या मुली घरी जात होत्या, त्या रिक्षाला घाटात वाळू वाहून नेणा-या टिप्परने जोरदार धडक दिली. यात आधी रिक्षा टिप्पर खाली दबली गेली. त्यानंतर या टिप्परमधील वाळू अंगावर पडल्याने तीन मुलींसह रिक्षा चालकाचा मृत्यू झाला आहे.
मुंबई- गोवा महामार्गावरील रायगड जिह्यातील पोलादपूर तालुक्याजवळ चोळई येथे हा भीषण अपघात झाला. रिक्षा आणि टिप्परमध्ये ही जोरदार धडक बसली. अपघातात दगावलेल्या विद्यार्थीनी खेड येथे परीक्षेसाठी गेल्या होत्या. त्या गोरेगावला परत येत असताना हा अपघात झाला.
टिप्पर पलटी झाल्यानंतर वाळूच्या ढिगा-याखाली प्रवासी रिक्षा अडकली. त्यामुळे चार जणांचा जागीच मृत्यू झाला. अपघातानंतर महामार्गावरील वाहतून बराच काळ ठप्प झाली होती. परंतु, पोलिसंनी आणि स्थानिकांनी वाळू बाजूला करून काही वेळानंतर वाहतूक सुरळीत केली.
