(रत्नागिरी)
रत्नागिरी येथील जिद्दी माउंटेनेरींग संस्थे संस्थापक सदस्य श्री. अरविंद नवेले हे राजस्थान, माऊंट आबु येथे Advance रॉक क्लाइंबिंग कोर्ससाठी गेले होते. त्यांनी यापुर्वी जम्मू काश्मीर मधील जवाहर इन्स्टिट्यूट ऑफ माऊंटेनीअरींग आणि विंटर स्पोर्ट्स येथे बेसिक माऊंटेनीअरींग कोर्स यशस्वीरित्या पुर्ण केला आहे. त्यांची advance Mountaineering course करीत असताना कोर्स सीनिअर म्हणून नेमणूक झाली.
श्री. नवेले यांनी आत्तापर्यंत सह्याद्रीतील सुळके आणि कातळभिंती यांची पन्नाशी ओलांडली आहे. अरविंद नवेले जिद्दी माउंटेनेरींग संस्थेचा सदस्य आणि क्लाइंबिंग पार्टनर JIM & WS संस्थेमध्ये पहलगाम येथे Advance Mountaineering कोर्स पूर्ण करायला रत्नागिरी मधील करबुडे गावातून गेला आणि बघता बघता एका मागोमाग एक यशाची शिखर गाठू लागले.
त्यांनी जम्मू काश्मीर भागातील द्रास येथील १७६९४ फूट – ५३९३ मीटर उंचीचे मचोई शिखर यशस्वीरित्या सर केले. इन्स्टिट्यूट मध्ये कोर्स सुरू होताच कोर्स सीनिअर म्हणून त्याची नेमणूक झाली. मोठी जबाबदारी अंगावर आली तरी ती त्यांनी पेलली आणि पूर्ण कोर्समध्ये त्या फिल्डला योग्यतो न्याय दिला. लिड – स्पीड – बॉल्डरींग अश्या सगळ्याच क्लाइंबिंग पद्धतीमध्ये प्रावीण्य मिळवले. HAWS क्लाइंबिंग नर्सरी मध्ये २६ नंबरच्या पॅच वर केवळ ३५ सेकंदात लीलया क्लाइंबिंग केले. आणि पूर्ण Advance कोर्स यशस्वीरित्या पूर्ण केला. हा कोर्स करताना ते Bouldering & Lead climbing मध्ये पहिले आले.
श्री. नवेले यांनी यापुर्वी जिद्दी माउंटेरिंगच्या माध्यमातुन अनेक ट्रेकचे आयोजन करत अनेक कॉलेज तरूणांपासुन ते लहान मुले ते 60 ओलांडलेल्या अनेक व्यक्तींनी नवनविन किल्ल्यांची पदभ्रमंती घडवली. 3000 फुट उंचीच्या लिंगाणा, इतर वानरलिंगी साराख्या अभेद्य सुळक्यांवर चढाई करत अनेक तरूणांना देखील यावर चढाई करण्यास ट्रेन करून या चढाया यशस्विरीत्या पुर्ण केल्या आहेत. जिद्दीच्या मध्यमातुन त्यांनी शाळांतील मुलांचे बेसिक समर कॅम्प घेऊन त्यामधुन मुल घडवण्याचे देखील काम केले आहे. त्यांच्या या यशाबद्दल त्यांचे अनेकांनी अभिनंदन केले आहे.
