कळवा येथील शिवाजी नगर तलावामध्ये मृतदेह आढळला

( मुंबई/किशोर गावडे )

आपत्ती व्यवस्थापन कक्षाकडे प्राप्त झालेल्या घटनेच्या माहितीनुसार आज दिनांक ०७/१०/२०२२ रोजी ०८:४६ वाजण्याच्या सुमारास शिवाजीनगर, कळवा(पु), ठाणे येथे शिवाजीनगर तलावामध्ये अज्ञात महिलेचा (स्त्री/ अंदाजे वय- ४५ ते ५० वर्षे) मृतदेह आढळून आला आहे.

सदर घटनेची माहिती देणारे पोलीस हवालदार श्री. कोळेकर, 9324576993, कळवा पोलीस स्टेशन. यांनी वरिष्ठांना फोन वरून घटनेची माहिती दिली. सदर घटनास्थळी लोकप्रतिनिधी श्री. महेश साळवी, कळवा पोलीस कर्मचारी, आपत्ती व्यवस्थापन कक्षाचे कर्मचारी १- पीकअप वाहन व अग्निशमन दलाचे जवान १ रेस्क्यू वाहनासह व १ शववाहिका उपस्थित होती.

घटनास्थळी आपत्ती व्यवस्थापन कक्षाचे कर्मचारी व अग्निशमन दलाचे जवानांच्या मदतीने तलावामधून मृतदेह बाहेर काढून कळवा पोलीस कर्मचारी यांच्या ताब्यात देण्यात आला आहे. कळवा पोलीस कर्मचारी यांनी सदर महिलेचा मृतदेह पुढील कार्यवाहीसाठी छत्रपती शिवाजी महाराज रुग्णालय, कळवा येथे दाखल केला आहे.