(रत्नागिरी)
भारत शिक्षण मंडळाच्या देव, घैसास, कीर वरिष्ठ महाविद्यालयात निसर्ग मंडळ विभागातर्फे जागतिक पर्यटन दिनाचे औचित्य साधून फोटोग्राफी स्पर्धेचे आयोजन करण्यात आले.
निसर्ग पर्यटन,वारसा पर्यटन, धार्मिक पर्यटन, ग्रामीण पर्यटन असे पर्यटनाचे प्रकार आहेत. आजकाल पर्यटन स्थळांचे फोटो आपण सोशल मीडियावर पाहतो, सोशल मिडियाच्या माध्यमातून पर्यटनाच्या स्थळांची माहिती मिळते त्याचबरोबर चांगली जाहिरात पर्यटन स्थळांची होते. या हेतूने फोटो ग्राफी स्पर्धा आयोजित करण्यात आली होती.फोटोग्राफी स्पर्धेला विद्यार्थ्यानी उत्स्फूर्त प्रतिसाद दिला.
फोटोग्राफी स्पर्धेत प्रथम- सिद्धेश रमेश भाताडे( द्वितीय वर्ष वाणिज्य), द्वितीय- निनाद निवेद सुर्वे(प्रथम वर्ष वाणिज्य), तृतीय- मयुरेश प्रदीप आगरे (द्वितीय वर्ष वाणिज्य), उत्तेजनार्थ-ऋषिकेश चव्हाण (तृतीय वर्ष कला) यांनी यश प्राप्त केले. फोटोग्राफी स्पर्धेचे परीक्षण सांस्कृतिक विभागप्रमुख वैभव कीर यांनी केले.
यावेळी प्रभारी प्राचार्या सौ. मधुरा पाटील, उपप्राचार्या सौ. वसुंधरा जाधव, निसर्ग मंडळ विभागप्रमुख सौ. ऋतुजा भोवड, भित्तीपत्रक विभाग प्रमुख प्रा.राखी साळगांवकर, प्राध्यापक, विद्यार्थी उपस्थित होते.
