(राजापूर/प्रतिनिधी)
राजापूर तालुक्यातील (पोवारवाडी) आडिवरे येथील श्री गणेश उत्सव युवा मंडळाने आपली सामाजिक बांधिलकी आजही जपली आहे. आजपर्यंत या मंडळामार्फत विविध सामाजिक कार्यक्रम राबविण्यात आले आहेत. यावेळी श्री गणेशोत्सवाच्या निमित्ताने मंडळाच्या वतीने कोरोनाच्या काळात आडिवरे पंचक्रोशीत महत्वाची कामगिरी करणारे डॉ. शंकर कलवारी आणि डॉ.सौ. सतबुद्धी कलवारी यांचा दोघांचा “कोरोना योद्धा” म्हणून सत्कार करण्यात आला. हा कार्यक्रम नुकताच आडिवरे येथे संपन्न झाला.
कोरोना काळात डॉ.कलवारी यांनी केलेली कामगिरी अतिशय उल्लेखनीय होती. कोरोनाच्या काळात स्वतःच्या जीवाची पर्वा न करता त्यांनी जी सेवा केली, त्याची पोचपावती म्हणून श्री गणेश उत्सव युवा मंडळ, पोवारवाडी यांनी डॉ.कलवारी यांचा शाल, श्रीफळ व सन्मानपत्र देऊन गौरव केला आहे.
यावेळी मंडळाचे अध्यक्ष दिपक रांबाडे, उपाध्यक्ष संदीप पोवार, सेक्रेटरी राजेंद्र पोवार, सदस्य रोहित पोवार, संदेश पोवार, संदीप रांबाडे, स्वप्नील पोवार, पांडुरंग पोवार, विजय रांबाडे, रुपेश रांबाडे, हेमंत मोगरकर, विजय पोवार, अनिल पोवार, सागर रांबाडे, संतोष रांबाडे, सुधाकर पोवार, मधुकर पोवार, विकास पोवार, साहिल पोवार, अनिकेत पोवार, आशिष रांबाडे, सुहास दळवी, सुनील दळवी आदि उपस्थित होते.
