(रत्नागिरी/प्रतिनिधी)
पावस येथे शाळेला जाण्यासाठी उभ्या असलेल्या चारचाकीने शाळकरी मुलाला धडक दिल्याने विद्यार्थी जखमी झाल्याची घटना घडली आहे. हर्षद आनंद ठिकरे (11, पावस धनगरवाडी) असे जखमी मुलाचे नाव आहे. ही घटना 22 ऑगस्ट रोजी सकाळी 11.45 वा. च्या सुमारास घडली.
पोलिसांनी दिलेल्या माहितीनुसार, महाकाली पॅलेस समोरील जयभवानी बेकरीजवळ शाळेला जाण्यासाठी उभ्या असलेल्या हर्षद याच्या डाव्या पायावरुन चारचाकी अज्ञात वाहनाने (एमएच 12 जे 1736) चाक नेऊन जखमी केले. मुलाच्या आईने आरती आनंद ठिकरे (39, पावस धनगरवाडी) यांनी पूर्णगड पोलीस स्थानकात तक्रार दाखल केली. त्यानुसार पोलिसांनी अज्ञाताविरोधात भादविकलम 279, 337, 338 मोटर वाहन कायदा कलम 194, 134 (अ), (ब) नुसार गुन्हा दाखल केला आहे. पोलीस चारचाकी वाहन चालकाचा तपास करत आहेत.
