( रत्नागिरी / प्रतिनिधी )
चार दिवसापूर्वीच एका तरुणाचा एम आय डीसी परिसरात मृतदेह आढळला होता. त्यानंतर आता टीआरपी येथील रेल्वे रुळावर तरुणाचा विवस्त्र अवस्थेत मृतदेह आढळल्याने खळबळ उडाली आहे. ही घटना रविवार 7 ऑगस्ट रोजी रात्री 1.30 वाजण्याच्या सुमारास घडली. या तरुणाच्या मृतदेहाची ओळख पटवण्यासाठी आवाहन करण्यात आले आहे.
पोलिसांनी दिलेल्या माहितीनुसार,
कोकण रेल्वे मार्गावरील टिआरपी येथील रेल्वे पुलाच्याखाली एका तरुणाचा रेल्वेच्या धडकेत मृत्यू झाला. रेल्वेच्या धडकेत तरुणाचे दोन्ही पाय तुटलेले असून विवस्त्र अवस्थेत मृतदेह रेल्वे रुळावर आढळला आहे. या तरुणाचे वय अंदाजे 40 वर्षे असावे असा पोलिसांनी अंदाज व्यक्त केला आहे. त्याच्या गळ्यात लाल रंगाचा दोरा आहे. तर हातात रिंग आहे. पोलिसांनी मृतदेहाचा पंचनामा करुन तो ताब्यात घेतला आहे. या व्यक्ती बद्दल कोणाला काही माहिती असल्यास ग्रामीण पोलीस स्थानकात संपर्क साधण्याचे आवाहन करण्यात आले आहे.
