(खेड/प्रतिनिधी)
वेरळ येथील श्री समर्थ कृपा विश्व प्रतिष्ठान संचलित श्री समर्थ कृपा इंग्लिश मिडियम स्कूलचा सीबीएसई इयत्ता 10 वीचा निकाल सलग दुसऱ्या वर्षीही 100 टक्के लागला आहे. विद्यालयातील अथर्व उदय शेटवे याने 96.80 टक्के गुण मिळवत प्रशालेत प्रथम क्रमांक प्राप्त केला आहे. इंदूकुमारी राम हिने 86 टक्के गुण मिळवत द्वितीय क्रमांक मिळवला. साईराज यादव याने 84.20 टक्के मिळवत तृतीय क्रमांक मिळवला. अजिंक्य धनवडे, पार्थ देसाई, ओम शिंदे, श्रेया हुमणे, आकाश यादव, विवेक कडव संजीवनी तरडे यांनीही उज्ज्वल यश प्राप्त केले.
सर्व गुणवंत विद्यार्थ्यांचा संस्थाध्यक्ष सुयश पाष्टे यांच्या हस्ते उपाध्यक्ष सुप्रिया पाष्टे यांच्या हस्ते सत्कार करण्यात आला. याप्रसंगी सचिव डॉ. संजना पाष्टे, शालेय व्यवस्थापन अध्यक्ष उदय शेटवे, खजिनदार दिग्विजय इंदुलकर, प्राचार्य डॉ.एस.एस.अली, शैक्षणिक समनवयक डॉ.अजित भोसले यांच्यासह संस्था पदाधिकारी उपस्थित होते.
